<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d11318911\x26blogName\x3d\x27tis+the+ballad+of+Bob\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://balladofbob.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://balladofbob.blogspot.com/\x26vt\x3d-2569463983589778356', where: document.getElementById("navbar-iframe-container"), id: "navbar-iframe" }); } }); </script>





fimmtudagur, mars 26, 2009

Gúndi Glæpon

Mér finnst svo skrítin þessi glæpamannadýrkun sem er í gangi hérna. Í seinasta eintaki Vikunnar var hún þarna Catalína (nákvæmlega, af hverju veit ég hvað hún heitir?) Hórkvendi í stíliseruðu forsíðuviðtali. "Ég er það sem ég er - Hóra" eða eitthvað álíka. Hvers vegna er vændiskona og melludólgur í fótósjoppuðum myndaþætti og í opinskáu viðtali um lífið og veginn? Og allir þessir ribbaldar og óaldamenn sem eru í skrúðgöngu framan á öllum bleðlum og klósettpappír. Svona stjörnur í kringum hausinn á þeim og upphrópunarmerki. Svona pakk á ekki upphrópunarmerki skilið. Hvað þá þessi litlu lens-flare sem er raðað á allar sterabólurnar á þeim.

Ég næ þessu ekki. Er ekki til nóg af sniðugu fólki sem er að gera góða hluti til að tala við? Þarf að hringja í Nonna Kóksmokk og Gurrí Skinkuveski til að gera hátt undir höfði? Þetta er bara svo ósmekklegt.

OK ég veit að við erum ofboðslega lítil þjóð þar sem er mjög auðvelt fyrir fólk í fréttum að verða frægt. Líka þeir sem eru í fréttum fyrir að vera kúkalabbar. En samt, ég efast um að The Weekender Magazine í Shrevesport, Oregon séu með einhvern Ted the Criminal á forsíðunni. "Ted the Criminal: 'I found god while beating a priest!'"

Ætli blaðamenn hérna séu á Ölstofunni alveg, 'Hey hann Blammi Handrukk er alveg HELVÍTI töff fýr. Class act. Eigum við ekki að takann í spjall?'

Þöggum hyskið í hel.

Hvaða Sverrir Stormsker fan er að vinna hjá Freyju?


Páskaegg með málsháttum eftir Sverri Stormsker?



Smekklegt.


*Uppdeit-
Ég var að skoða þetta áðan í búðinni og þetta er allt skreytt með svona barnaskrípamyndum eins og öll hin páskaeggin. Væti ekki rétta að hafa einn lítinn Sverri oná egginu? Svona gúmmístormsker sem getur böggað Strumpana með klámfengnum limrum.

Lokaður munnur Lohan - myndir

Bara án gríns. Stórkostleg blaðamennska.



laugardagur, mars 21, 2009

Hvernig gat þetta eiginlega gerst?



"Ice to see you!"
"You're not sending me to the cooler!"
"I'm afraid my condition has left me cold to your pleas of mercy."
"Tonight, hell freezes over!"
"What killed the dinosaurs? The Ice Age!"
"In this universe, there's only one absolute ... everything freezes!"
"Cool party!"
"If revenge is a dish best served cold, then put on your Sunday finest. It's time to feast!"
"Allow me to break the ice. My name is Freeze. Learn it well. For it's the chilling sound of your doom."
"Let's kick some ice!"
"Caution. Bridge may ice over."
"Always winterize your pipes."
"Not so fast. Time you cooled your heels."
"Alright, everyone, chill!"
"Cops on the rocks, anyone?"
"Bat on ice, anyone?"
"We aim to ... Freeze."
"I wonder how cold I can get my shower ... Frosty!"
"You're skating on thin ice. My passion thaws for my bride alone."
"Tonight's forecast ... a freeze is coming!"
"Nothing frustrates a man like a frigid wife."

laugardagur, mars 14, 2009

Raggi kallinn

Hér er lítil saga af Ragga Bjarna sem ég heyrði í dag. Hvort hún sé sönn skal ósagt látið en skondin er hún að minnsta kosti. Hefst hér með lesturinn.


Hann Raggi Bjarna vann fyrir sér sem leigubílstjóri meðfram músík harkinu í gamla daga. Þótti það merkilegt að mæta á tónleika með kappanum og fá svo far heim með honum eftirá.

Eitt kvöldið var hann að skutla dömu eftir djammið. Þegar heim til hennar var komið heyrðist úr aftursætinu:

„Æh, ég virðist ekki vera með neinn pening, má ég ekki bara borga með þessari?“ og glennti hún fótleggina í sundur.

Raggi leit svellkaldur í baksýnisspegilinn og svaraði:

„Heyrðu vinan, átt' ekkert smærra?“


TRRÚMM-TISSSSJJJJ!!

sunnudagur, mars 08, 2009

Start of level six
*bíp*

Hver ætli hafi fundið uppá bíptestinu? Eflaust einhver fjallabróðir sem var í hitlersæskunni. En gæjinn sem las inná bandið? Hann er eflaust feitabolla. Maður bölvaði honum með blóðbragðið í munninum þegar maður dröslaðist fram og til baka. "Fokkjú level five. Auðvelt fyrir þig að lesa í makindum í notalegu hljóðveri með gúllas í nestisboxi við hliðina á þér! Hann hefur eflaust kynmök með snælduna í gangi!"

Þvílík martraðarstundin þegar maður sá íþróttakennarann koma með gettóblasterinn. Enginn tarsanleikur í dag. Fokking skepna í jogginggalla. Grátleg vonbrigði að hafa ekki skrópað til að spila Double Dribble. En enginn komst undan. Húsvörðurinn stóð fyrir útganginum með tryllingslegt glott.

Maður hefði auðvitað bara hlaupið beint í sturtu við fyrsta tón. Start of level sjampó. En maður varð auðvitað að endast lengur en stelpurnar þannig að maður þurfti að minnsta kosti að komast á level sjö. En hljóðgerfillinn sem er í þessu hljómaði alveg ágætlega. Nei djók auðvitað var hvert bíp einsog dómsdagsklukkan, lúðraþytur Lúsífers. En sko eftir á að hyggja var þetta flott 80's hljóð. Sérstaklega þarna "Bí-rú-rííp" inn á milli levela. Það ætti einhver að remixa þetta. Svona lag þar sem þess er krafist að dansinn sé hertur á tíu bípa fresti. Ég myndi mæta á næturklúbb með leikfimiþema. Gólfið grænt með allskyns lituðum línum, allir í Hummel skóm að sveifla sér í reipi og slá saman bandíkylfum. Smá kelerí á dýnunni.

Ég var að tala við Ívar bróðir um þetta merkilega fyrirbæri bíptest og hann sagðist líka vera með hlaupasting á sálinni eftir bíparann. Ívar er níu árum yngri en ég. Djöfull hlýtur kassettan að vera útúrþvæld og morkin eftir margra ára notkun. Margar kynslóðir í sárum eftir þetta segulband Satans. Nema auðvitað að þeir hafi uppfært í geisladisk í kringum '97. Digitally remastered - now with 25% more evilness. Hujj ætli þetta sé komið á mp3 í dag? Sækjum torrentinn og þrusum þessu í gang í ipodinum í ræktinni. Djöfuls súrkál væri það.

föstudagur, mars 06, 2009

Ef það er gat í dagskránni...


mánudagur, mars 02, 2009

Ermi Drew Barrymore - MYNDIR

Hér hlýtur botninum að vera náð. Er það ekki?

Annars hef ég lúmskt gaman að þessari þrollalegu blaðamennsku. Textinn oftast einsog í 'Auðlesið efni' í Mogganum og fyrirsagnirnar eru svo banal og óáhugaverðar að það jaðrar við að vera póstmódernísk ljóðlist.

Er það ekki Ellý Ármanns sem skrifar þetta? Gefa út ljóðabók hið snarasta.

Best er þegar hún segir að eitthvað hafi vakið athygli. jafnvel "Gríðarlega athygli" Sem dæmi: "Ofvirkir svitakirtlar leikkonunnar vöktu gríðarlega athygli ljósmyndara." Í alvöru? gríðarlega athygli? Kannski ert það bara þú sem ert með gríðarlegan áhuga á ofvirkum svitakirtlum.

Djók, ég hef ekki lúmst gaman að þessu, ég fokking elska þetta - myndir.

Val Kilmer gerir við viftureim - MYNDIR
Britney gerir slaufa-ess fyrir "save" - MYNDIR
Litríkt hor Cameron Diaz - MYNDIR