<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d11318911\x26blogName\x3d\x27tis+the+ballad+of+Bob\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://balladofbob.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://balladofbob.blogspot.com/\x26vt\x3d-2569463983589778356', where: document.getElementById("navbar-iframe-container"), id: "navbar-iframe" }); } }); </script>





þriðjudagur, nóvember 27, 2007

MÆÐUR!


föstudagur, nóvember 23, 2007

"I'm your clooohn"

Stone-cold grínklassík á föstudegi.


Keyri Keyr

Bónaðir bíllyklar dingla á fingri
Bráðum kemur helgi
Mælaborðið mýfullt af glingri
Mamma, keyptirðu líknarbelgi?

Við Jónína létum loksins verða af því og keyptum okkur Chargerinn sem henni langaði alltaf svo mikið í. Nei djók, við fengum okkur stríðsvagninn sem ég bað svo mikið um. En án allra lyga var það svona. Nei djók það var þessi.

Nuj, ég hef ekki átt bíl síðan ég var nítján! Núna er það sko bílabíó, keyra í gegnum þvottastöðina og bílalúga í hvert mál. Sjáumst á rúntinum um helgina. Ég er genginn í bílasniglana.

miðvikudagur, nóvember 21, 2007

NARWHALE POSSE!

Hver þarf einhyrninga?

Ég vil synda á meðal Náhvala.


Sjáið bara þennan steikta bardaga hér:

Wóww, slíðrið sverðin, drengir. Það er nóg af Náhvelis-gellum í hafinu fyrir okkur alla.

laugardagur, nóvember 17, 2007

Live-Bloggað frá BRÚÐKAUPI ALDARINNAR!

Bobby Breiðholt bloggar í beinni frá Listasafni Reykjavíkur, þar sem Jón Ásgeir og Ingibjörg fagna göngunni í það heilaga.

18:00
Rauður dregill. Nokkuð fyrirsjáanlegt, hugsa ég með mér, þangað til mér er sagt að efnið í dreglinum var litað með stóðhestablóði. Klassi, hugsa ég þá.

18:05
Dyraverðirnir eru klæddir einsog rómverskir hermenn. Mig grunar að kannski séu þeir í alvöru rómverskir hermenn, sóttir með einka-tímavél Jóns Ásgeirs. Nei, þeir eru með træbal-tattú. Þeir voru ekki með þannig á tímum rómverja. Þá voru allir með akkeri.

18:16
Dyramottan er verk eftir Erró. Ég drep í vindli á henni.

18:17
Dyravörðurinn er Erró. Ég drep í vindli á honum.

18:25
Eftir málmleitartækið og plebbasíuna er mér sleppt inn. Þeir sem ekki standast dresskódið eru sendir í uppvask og öskubakkahreinsun. Guði sé lof að ég er í Chanel mokkasíum og með Philippe Starck vask um hálsinn.

18:40
Grafin hafa verið sýki um allt gólf þar sem gondólar fullir af barnakórum og Sálinni sigla hring eftir hring. Aðeins uppáhaldslög Jóns Ásgeirs eru flutt: "The Living Daylights" eftir A-Ha og "Walk Of Life" með Dire Straits. Mætti ég nokkuð fá að heyra eitthvað með Bruce Springsteen, spyr ég einn góndóla-róarann (Gæjinn sem lék Robocop, í fullum búningi). Hann hristir hausinn og mér finnst ég sjá glitta í tár undan hjálminum. Ég vorkenni honum.

18:50
Verstu örlögin bíða þó Eyfa með kassagítarinn. Hann er hlekkjaður við brennheitt rör og er hýddur með svipum. Hann er látinn syngja "Nína" aftur og aftur og aftur og aftur og aftur. Ég byrja að fá óttakast. Hér er illska. Mun ég komast út á lífi?

19:00
Róast ögn við að drekka vínið. Hið sama og Jesús galdraði fram úr vatni á sínum tíma. Það er borið fram í plastglasi, hönnuðu af listahópnum Kleprum Fabúl. Fallegt handverk, hvísla ég að engum sérstökum.

19:22
Virði fyrir mér mannskapinn, sem hefur verið ferjaður inn úr helstu hornum heimsins. Ekkert þriðjaheimspakk, þau eru gasalega púkó. Oj, of mikið eyðni og þetta hungur í augum þeirra. Bjakk. Hér eru allir klæddir í svart, sem er einmitt þema kvöldsins. Ég lít aftur á boðskortið. "Darkening Shadowscape: A Wedding." Ég krumpa það aftur í vasann.

20:05
Þvæ hendurnar í háls-vaskinum mínum. Þerra mér í hári Margrétar Thatcher, sem er klædd í glæsilegan kjól eftir Oscar de la Renta. Aron Pálmi les kafla úr bókinni sinni við góðar undirtektir. Skrítin skemmtiatriði hér.

20:15
Aðalsalurinn. Gestirnir minna á hjörð forsögulegra hræ-æta, nema í ögn smekklegri fötum. Sinfónía í svörtu, gylltu og bónus-gulu. Baltasar er í flísalögðum jakkafötum eftir Facemeat. Gabríela er berrössuð að vanda, en með gerfi-skegg eftir Fernando Yesterday. Móeiður Júníuss er í pappakassa eftir Heinz+Audiobook. Júlli Kemp er klæddur í þrekhjól eftir Weider.

20:16
Hvað er í þesu víni?

20:33
Maturinn er dýrðlegur. búinn til af bestu kokkum McDonalds. Það ku vera til leyni-McDonalds sem er aðeins fyrir hina ofsaríku. Franskarnar eru mjög svipaðar því sem ég er vanur, en þær eru þó bornar fram í afskorinni górilluhendi. Stel einni.

21:00
Stóra stundin. Brúðhjónin mæta. Allt ætlar um koll að keyra þegar járnbrautarlestin þeirra staðnæmist á miðju gólfi. Meðlimir Gus Gus kremjast undir.

21:03
Ingibjörg stígur frá borði. Sögusagnir hermdu að hún yrði í kjól eftir Karl Lagerfeld, en nei. Hún er klædd Í Karl Lagerfeld. Fláður ofur-hönnuðurinn fer afar vel við blá augu brúðarinnar. Sumir eru svo heillaðir af fegurð Ingibjargar að þeir reyna að snerta dýrðarljóma hennar, í þeirri von að afmá eigin syndir. Þeir fá löggukylfu í púnginn.

22:05
Hér kemur svo Jón Ásgeir. Hann er í glæsilegum Jogging-galla frá Diego Peninsula og í rúllukragabol frá Wrangler. Hann fær lófaklapp fyrir elegant smekk, þegar hann sýnir hvernig hvítir baðmullarsokkarnir leika við gljáann af brúnum, tyrkneskum leðurskónum. Möllettinn hans hefur aldrei litið eins vel út, skreyttur með blikkandi ljósleiðurum og lituðum perlum.

22:30
Jón Ásgeir fer í sleik við Ingibjörgu og segir Gjörið svo vel.

22:50
Maturinn búinn. Jón Ásgeir dregur upp símann og pantar pizzu á liðið, enda soldið hungraður eftir svíneríið á leiðinni, að eigin sögn. Hann bætir við að það myndi ekki skemma fyrir að panta smá landa oní mannskapinn. Finnst þurfa "smá aksjón í kellingarnar." Eigum við að ræða það eitthvað, spyr hann með glotti og slefar pínulítið. Nærstaddir hlæja kurteisislega.

23:00
Skemmtiatriði kvöldins eru kynnt: Whitney Houston og torfærutrukkar.

23:28
Jón Ásgeir hlær og kýlir í loftið í hvert sinn sem torfærutrukkarnir prjóna í takt við gítarsólóin. Whitney virðist hylja andlit sitt á meðan hún syngur. Það eru naumast stjörnustælarnir.

23:51
Mér er hætt að lítast á blikuna. Mengunin af trukkunum og fnykurinn af rotnandi Lagerfeld-kjólnum eru farin að vera óbærileg. Ég bakka í átt að útganginum.

23:58
Eyfi er látinn.

23:59
Klappa Eyfa blítt á höfuðið. Engin "Nína" þar sem þú ert núna, kæri vinur.

00:00
Stekk út um glugga á kvennasnyrtingunni frekar en að hætta mér gegnum aðalinnganginn. Dyraverðirnir hefðu brytjað mig í spað. "No Escaping" stóð á skiltum um allt lobbí.

01:00
Kominn heim. Eftir nokkra stund af því að glápa útum bréfalúguna (var mér fylgt eftir?) slaka ég mér niður á gólf og anda léttar.

01:02
Finn umslag á gólfinu. Boðskort í fermingu dóttur Jóns Ásgeirs.




**Uppdeit 06.03.08**
Brúðhjónin lásu þessa færslu í veislunni.

Mont Blanc Part Deux



Fyrst tískuspekúlantinum og íslandsvininum Facehunter finnst H&M dótið mitt nógu gott til að smella af því mynd, þá verð ég bara að vera sáttur við mitt.

(Takk Jónína, fyrir að benda mér á þetta)


-UPPDEIT-
Takk Hildur líka!

fimmtudagur, nóvember 15, 2007

Aur

Margir (þeirra á meðal ég, viðurkenni ég með skammartár í auga) eru að spá og spekúlera hvursu yfirdrifinn lúxus verði í brúðkaupi Jóns Ásgeirs Jóhannessonar og Ingibjargar Pálmadóttur. Kjólar, bílar, skart, íburður, leikmyndir, hljómsveitir og innfluttur matur. Bono? Tina Turner? Bananarama? Ég spái með fullri alvöru að Rolling Stones leiki fyrir dansi. Þeir hafa verið þekktir fyrir annan eins hórdóm.

Auðvitað er ég með nokkrar hugmyndir fyrir svona trillapartý og Jóni Ásgeiri er velkomið að stæla mig.

Annars vona ég að Ingibjörg gefi honum klippingu í brúðkaupsgjöf. Ég meina, maðurinn er bæði með möllett og skipt í miðju.

Faðir vor, hví viltu drepa mig?

The Church of Euthanasia (Kirkja Náðarmorða) heimtar lok á offramleiðslu mannfólks, og eru ekkert að tala undir rós hvað það varðar. Ótrúlega sjokkerandi (og ógeðfelld) forsíðumyndin gefur það strax til kynna að hér eru engir Politically Correct gæjar á ferð. Kirkjan predíkar aðeins eitt boðorð: Þér skuluð ekki fjölga yður, og býður fram fjórar leiðir til þess:

Sjálfsmorð
Fóstureyðingar
Mannát
Rassamök

Þessir dúdar eru auðvitað alveg extreme to the extreme, en ég verð þó að viðurkenna að ég væri til í að ganga í diet-útgáfu af þessum klúbbi... amk samþykkja smekklegri útgáfu af hugmyndafræðinni. Er ég alveg agalegur?

Mér finnst það alveg glatað að jörðin sé bókstaflega að kafna undan slefandi múg af gráðugum feitabollum sem keyra um á fjórum jeppum per fjölskyldu. Mér verður illt í maganum þegar ég hugsa um alla ólæsu bolina úti í heimi sem gjóta 17 börnum, skíra þau öll nöfnum sem byrja á Joð og heimta síðan meira. Já, ekkert mál. Endilega hafðu það slétt tuttugu börn, ógeðið þitt. Það má alltaf nauðga þriðja heiminum aðeins meira til að kreista út fleiri Cheetos og gallabuxur. IT'S CALLED A CONDOM YOU JACKASS!

Tökum Kína til fyrirmyndar: Tvö fædd börn á fjölskyldu, max. Svo er bara hnýtt fyrir pípulagnirnar. Amen.

mánudagur, nóvember 12, 2007

Sneið af æskuköku


24 sekúndur af nostalgíu til að hefja vikuna.


UPPDEIT-
Maður verður líka að setja inn orginalinn...

sunnudagur, nóvember 11, 2007

forsíða - fyrirtækið - nánar - upplýsingar - "taktu kviss!" - afgreiðslutími og staðsetningar (loksins)

Kæru heimasíður verslana og fyrirtækja:

Mér er sama um sögu búllunnar, fréttir af starfseminni, skoðanakannanir, fræðslu, póstlistann, vöru- og innihaldslýsingar, skilmála, pistla frá starfsfólki og málshátt dagsins.

Ég fer ekki inn á buxur.is til að sjá spádóm, spurt&svarað eða myndir frá árshátíðinni. Ég fer á buxur.is til að sjá hvar þeir eru, hve lengi er opið og -ef ég þarf- símann hjá þeim.

Svona eiga heimasíður fyrirtækja að líta út:



Ef ég þarf að eyða meira en 3 sekúndum í að finna þessar upplýsingar innan um ógrynni af hlekkjum, flash-titring og stock-myndir af hressu fólki með símaheyrnartól, þá tek ég bara peninginn minn eitthvert annað.

laugardagur, nóvember 10, 2007

föstudagur, nóvember 09, 2007

lokanir, kærur, lokanir, kærur

Oink
Demonoid
fuk
TV links


Það mætti halda að það sé ætlast til
að maður borgi fyrir skemmtiefni.

fimmtudagur, nóvember 08, 2007

Ræða hvað?

Wá hvað ég er ekki með í lúppunni núna. Engan veginn í sambandi við það sem er að ske í íslenskum poppkúltúr.

Mér, sem horfi hérumbil aldrei á sjónvarp og er hvorki með Stöðtvö eða annað örbylgjuloftnetsefni, fannst það orðið svolítið grunsamlegt hve allir voru farnir að nota frasann "Eigum við að ræða það eitthvað?" á sama tíma.

Kom á daginn að þar var verið að kvóta Næturvaktina, sem hefur farið alveg framhjá mér.

Mér finnst ég vera duglegur að tileinka mér svona kvót ("More Cowbell" kemur til hugar), en mér finnst það athyglisvert að vera utangarðsmaður í þetta skiptið. Að geta fylgst með þessu frasa-æði renna á fólk án þess að vera sýktur sjálfur. Soldið einsog að ganga um í glærri plastkúlu á meðal holdsveikra.

Allir herma eftir Næturvaktinni og hér er ég, ennþá að kvóta Seinfeld og Simpsons. Og talandi um hluti sem voru uppá sitt besta árið 1994, þá man ég eftir takmörkuðum áhuga mínum á röndóttum gallabuxum, mussum og Psycho Cowboy því ég gat ekki skilið hví fólki fannst það svo sniðugt. Líður soldið þannig með Næturvaktina.

Hvað sjálfan frasann varðar, þá finnst mér hann lykta soldið einsog "...og málið er dautt" sem gekk einsog eldur í sprittkerti hér áður fyrr.

Til að kvóta í Simpsons, finnst mér hann semsagt óttalega "Meh".

miðvikudagur, nóvember 07, 2007

Til Hamó Mí Amó


föstudagur, nóvember 02, 2007

Mont Blanc

Ef þú átt leið framhjá H&M (og þá meina ég erlendis, ekki vörulista-kellingaútgáfuna af H&M sem við höfum hér) og átt péning fyrir háklassa hönnunarvöru, ekki láta mig stoppa þig í að velja magnaða flík úr "Art By" línunni frá H&M/Divided.


Wá, flott

ÉG, BJÖLLI HIGHFASHION og einhverjir aðrir hönnuðu þessa óvéfengjanlegu sönnun um ágæti íslensks haut-kútúrisma. Þú gætir hafa rekist á heilsíðuumfjöllun um þennan tískuviðburð í DV í gær, en þú hefur sjálfsagt vitað um þetta í langan tíma, enda er orðið á götunni sjaldnar en ekki um mig og málefni mér tengd.

En já, hönnun hins íslenska Bjölla Breiðholt í H&M. Einhverjir myndu kalla þetta mikla landkynningu, en ég vil frekar meina að þetta sé Bjöllakynning.


H&M í Osló. Sveitt örtröð rétt utan við ramma.